Dominican Rosary in Latin

Quindecim SS Rosarii Mysteria
Quinque Gaudiosa. 
Annuntiatio Incarnationis Christi.
Visitatio Beatae Virginis Mariae ad S. Elisabeth.
Nativitas Salvatoris nostri. 
Oblatio Christi in templo. 
Inventio pueri Jesu inter doctores.
Quinque Dolorosa.
Oratio et agonia Christi in horto. 
Flagellatio crudelis. 
Coronatio acerbissima spinarum. 
Bajulatio Crucis ad Calvarium montem. 
Crucifixio et mors in ligno Crucis.
Quinque Gloriosa. 
Resurrectio Christi a mortuis. 
Ascensio Christi in caelum.
Missio Spiritus Sancti in discipulos.
Assumptio Beatae Mariae Virginis in caelum.
Coronatio Beatae Mariae Virginis in caelo.

Regina Sacratissimi Rosarii, ora pro nobis!

V.  Deus, + in adjutorium meum intende.
R.   Domine, ad adjuvandum me festina.
Gloria Patri, et Filio, et Spiritui sancto:
Sicut erat in principio, et nunc, et semper, et in saecula saeculorum. Amen.

Ant. Salve, Regina, Mater misericordiae, vita dulcedo et spes nostra; salve. Ad te clamamus, exules, filii Evae; ad te suspiramus, gementes et flentes in hac lacrymarum valle. Eia ergo, Advocata nostra, illos tuos misericordes oculos ad nos converte. Et Jesum, benedictum fructum ventris tui nobis post hoc exilium ostende. O Clemens, O pia, O dulcis virgo Maria.

V.  Dignare me laudare te Virgo sacrata.

R.  Da mihi virtutem contra hostes tuos.

Oremus
Deus cujus Unigenitus per vitam, mortem et resurrectionem suam nobis salutis aetemae praemia comparavit, concede quaesumus ut haec mysteria sanctissimo Rosario beatae Mariae Virginis recolentes, et imitemur quod continent et quod promittunt assequamur.  Per eundem Christum Dominum nostrum. Amen.

Orationes Santi Rosarii

In nómine Pátris et Fílii et Spíritus Sáncti. Amen.

Crédo in Déum, Pátrem omnipoténtem, Creatórem cáeli et térræ. Et in Jésum Chrístum, Fílium éjus unícum, Dóminum nóstrum: quiconcéptus est de Spíritu Sáncto, nátus ex María Vírgine, pássus sub Póntio Piláto, crucifíxus, mórtuus, et sepúltus: descéndit ad ínferos:tértia díe resurréxit a mórtuis: ascéndit ad cáelos: sédet ad déxteram Déi Pátris omnipoténtis: índe ventúrus est judicáre vívos etmórtuos. Crédo in Spíritum Sánctum, sánctam Ecclésiam cathólicam, Sanctórum communiónem, remissiónem peccatórum, cárnis resurrectiónem,vítam ætérnam. Amen.

Páter nóster, qui es in cáelis, sanctificétur nómen túum. Advéniat régnum túum. Fíat volúntas túa, sícut in cáelo et in térra. Pánem nóstrum quotidiánum da nóbis hódie, et dimítte nóbis débita nóstra, sícut et nos dimíttimus debitóribus nóstris. Et ne nos indúcasin tentatiónem: sed líbera nos a málo. Amen.

Áve María, grátia pléna, Dóminus técum; benedícta tu in muliéribus, et benedíctus frúctus véntris túi, Jésus. Sáncta María, Máter Déi, óra pro nóbis peccatóribus, nunc et in hóra mórtis nóstræ. Amen.

Glória Pátri, et Fílio, et Spirítui Sáncto.

Sícut érat in princípio et nunc et sémper et in sáecula sæculórum. Amen.

O mi Jesu, dimitte nobis peccata nostra; libera nos ab ignibus inferni; perduc omnes animas in caelum, praesertim maxime indigentes.

Final

Agimus tibi gratias, Omnipotens Deus pro universis beneficiis tuis, Qui vivis et regnas in saecula saeculorum. Amen.

Kyrie, eleison (Christe, eleison.)
Kyrie, eleison. Christe, audi nos.(Christe, exaudi nos.) 
Pater de caelis, Deus, (miserere nobis.)
Fili, Redemptor mundi, Deus,(miserere nobis.)
Spiritus Sancte Deus, (miserere nobis.)
Sancta Trinitas, unus Deus,(miserere nobis.)
Sancta Maria, ora pro nobis 
Sancta Dei Genetrix, 
Sancta Virgo virginum, 
Mater Christi, 
Mater Divinae gratiae, 
Mater purissima, 
Mater castissima, 
Mater inviolata, 
Mater intemerata, 
Mater amabilis, 
Mater admirabilis, 
Mater boni Consilii, 
Mater Creatoris, 
Mater Salvatoris, 
Virgo prudentissima, 
Virgo veneranda, 
Virgo praedicanda, 
Virgo potens, 
Virgo clemens, 
Virgo fidelis, 
Speculum iustitiae, 
Sedes sapientiae, 
Causa nostrae laetitiae, 
Vas spirituale, 
Vas honorabile, 
Vas insigne devotionis, 
Rosa mystica, 
Turris Davidica, 
Turris eburnea, 
Domus aurea, 
Foederis arca, 
Ianua caeli, 
Stella matutina, 
Salus infirmorum, 
Refugium peccatorum, 
Consolatrix afflictorum, 
Auxilium Christianorum, 
Regina Angelorum, 
Regina Patriarcharum, 
Regina Prophetarum, 
Regina Apostolorum, 
Regina Martyrum, 
Regina Confessorum, 
Regina Virginum, 
Regina Sanctorum omnium, 
Regina sine labe originali concepta,
Regina in caelum assumpta, 
Regina Sacratissimi Rosarii, 
Regina pacis,
Agnus Dei, qui tollis peccata mundi, (parce nobis, Domine.)
Agnus Dei, qui tollis peccata mundi, (exaudi nobis, Domine.)

Agnus Dei, qui tollis peccata mundi, (miserere nobis.)
Christi audi nos, (Christe exaudi nos.)

Ant. Sub tuum presidium confugimus, sancta Dei Genitrix: nostras deprecationes ne despicias in necessitatibus, sed a periculis cunctis libera nos semper, Virgo benedicta. 
Ant. Magne Pater, sancte Dominice, mortis hora nos tecum suscipe, et hic semper nos pie respice. 
V.  Post partum, Virgo, inviolata permansisti.
R.  Dei Genitrix, intercede pro nobis.
V.  Ora pro nobis, beate Pater Dominice.
R.  Ut digni efficiamur promissionibus Christi.

Oremus 
Supplicationem servorum tuorum, Deus miserator, exaudi, ut qui in societate Sacratissimi Rosarii Dei Genitricis et Virginis congregamur, ejus intercessionibus, a Te de instantibus periculis eruamur 

Deus, qui Ecclesiam tuam beati Dominici, Confessoris tui, Patris nostri, illuminare dignatus es meritis et doctrinis; concede ut ejus intercessione temporalibus non destituatur auxiliis, et spiritualibus semper proficiat incrementis. Per Christum Dominum nostrum. 
Amen. 

Regina Sacratissimi Rosarii, ora pro nobis 
Regina Sacratissimi Rosarii, ora pro nobis 
Regina Sacratissimi Rosarii, ora pro nobis 
V.  Nos cum Prole pia, 
R.  Benedicat Virgo Maria. 
BENEDICITE
Benedictio Dei omnipotentis, Patris+ et Filii, et Spiritus Sancti, per intercessionem Reginae sacratissimi Rosarii, descendat super nos et maneat semper Amen.